اقبال اکادمی پاکستان کے زیر اہتمام یوم یکجہتی کشمیر کے حوالے سے سیمینار کاانعقاد

اقبال اکادمی پاکستان کے زیر اہتمام یوم یکجہتی کشمیر کے حوالے سے ایک سیمینار کاانعقادکیا گیا۔ مہمان مقررین میں ڈائریکٹر اقبال اکادمی پاکستان ڈاکٹر عبدالرؤف رفیقی ، سربراہ شعبہ اکادمی ادبیات ڈاکٹر طاہر حمید تنولی اور پرنسپل ادارہ تعمیر نوپبلک کالج پروفیسر عابد راؤ تھے۔ نظامت کے فرائض محمد اسحاق نے انجام دئیے۔
اس موقع پر مہمان مقررین کا کہنا تھا کہ پاکستان اور دنیا بھر کے کشمیری ہر سال ۵ فروری کو یوم یکجہتی کشمیر مناتے ہیں تاکہ اقوام متحدہ کے چارٹر اور او آئی سی اور اقوام متحدہ کی سلامتی کونسل کی متعلقہ قراردادوں میں درج اپنے کشمیری بھائیوں اور بہنوں کے حق خودارادیت کی منصفانہ جدوجہد کی غیر متزلزل سیاسی، اخلاقی اور سفارتی حمایت کا اظہار کیا جا سکے۔ فلسطین اور جموں و کشمیر کے حالات ، جنگی جرائم اور مظالم کی بدترین شکلیں بھی فلسطینی اور کشمیری عوام کے حوصلے اور حوصلے کو پست نہیں کر سکیں۔ انہوں نے جموں و کشمیر پر او آئی سی کے دیرینہ اصولی موقف کو سراہا اور او آئی سی سے کشمیریوں کی آواز کو اجاگر کرنے کے لیے اپنی کوششوں کو دوگنا کرنے پر زوردیا گیا۔
تقریب میں طلبا و طالبات کی جانب سے پر جوش تقاریر، کلام اقبال ترنم و تحت اللفظ میں پیش کیاگیا۔ تقریب کے اختتام پر سوال و جواب کی نشست بھی رکھی گئی جس میں مقررین کی جانب سے تسلی بخش جواب دئیے گئے ۔تقریب کے اختتام پر ڈاکٹر عبدالرؤف رفیقی نے پروفیسر عابد راؤ کو کتب کا تحفہ پیش کیا۔