اقبال اکادمی پاکستان اور ایکو اداری ثقافت کے اشتراک سے اہتمام تین روزہ بین
الاقوامی اقبال کانفرنس 2024 کا اہتمام

پہلے روز کانفرنس کے مندوبین و مہمانان گرامی کی مزار اقبال پر حاضری، شاہی قلعہ، بادشاہی مسجد و جاوید منزل کی سیر، دبستان اقبال میں پسر زادہ اقبال جناب اقبال صلاح الدین سےملاقات
اقبال اکادمی پاکستان کے زیر اہتمام ہونے والی بین الاقوامی اقبال کانفرنس 2024 کے مندوبین و مہمانان گرامی نے ۱۷؍نومبر ۲۰۲۴ کو مزار اقبال پر حاضری دی، پھولوں کی چادر چڑھائی اور فاتحہ خوانی کی۔پاکستان رینجرز کے چاق و چوبند دستے نے معزز مہمانان کو سلامی پیش کی۔ اس موقع پر ڈائریکٹر اقبال اکادمی پاکستان ڈاکٹر عبدالرؤف کا کہنا تھا کہ بین الاقوامی اقبال کانفرنس کے انعقاد کا مقصد علامہ اقبال کے پیغام کی آفاقیت کو اجاگر کرنا اور پاکستان کی مثبت پہلو کو عیاں کرنا ہے۔
غیر ملکی مندوبین کا کہنا تھا کہ مزار اقبال پر حاضری ہمارے لیے سعادت کا باعث ہے۔ علامہ کے کلام نے امت مسلمہ کو نئ راہ دکھائی۔ صدر ایکوا ادارہ ثقافت تہران کے صدر ڈاکٹر سعد خان نے مہمانوں کی کتاب میں اپنے تاثرات بھی قلم بند کیے۔
اس سے پہلے ٹوارزم ڈویلپمنٹ کارپوریٹ پنجاب سیکرٹری فرید احمد تارڑ نے تمام مندوبین کو لاہور سائٹ سینگ پر خوش آمدید کہا۔ ٹوارزم ڈیپارٹمنٹ اور اکادمی کے اشتراک سے مہمان مندوبین کو لاہور کے سیاحتی مقامات بادشاہی مسجد، شاہی قلعہ اور جاوید منزل کی سیر بھی کرائی گئی۔ آخر میں مندوبین نے دبستان اقبال کا دورہ کیا،پسر زادہ اقبال جناب اقبال صلاح الدین سےملاقات کی۔ اس دوران مختلف موضوعات پر سیر حاصل گفتگو ہوئی۔