ڈائریکٹر اقبال اکادمی پاکستان ڈاکٹر عبدالرؤف رفیقی کا دورہ اکادمی ادبیات پاکستان

ڈائریکٹر اقبال اکادمی پاکستان معروف ماہرِ اقبالیات، پشتو اور فارسی زبان و ادب کے محقق ڈاکٹر عبدالرؤف رفیقی نے ۲۷مئی ۲۰۲۴ء کو اکادمی ادبیاتِ پاکستان کا دورہ کیا۔ اس دورہ کے دوران انہوں نے اکادمی کی صدر نشین پروفیسر ڈاکٹر نجیبہ عارف اور ڈائریکٹر جنرل سلطان محمد نواز ناصر سے ملاقات کی۔ دونوں اداروں کے درمیان علامہ اقبال کے فکر و فن کی ترویج میں اور اکادمی ادبیات میں قلمی نسخوں کے حصول کے حوالے سے مشاورت کی گئی۔