ہوا نہ زور سے اس کے کوئي گريباں چاک

ہوا نہ زور سے اس کے کوئي گريباں چاک
اگرچہ مغربيوں کا جنوں بھي تھا چالاک
م ے يقيں سے ضمير حيات ہے پرسوز
نصيب مدرسہ يا رب يہ آب آتش ناک
عروج آدم خاکي کے منتظر ہيں تمام
يہ کہکشاں ، يہ ستارے ، يہ نيلگوں افلاک
يہي زمانہ حاضر کي کائنات ہے کيا
دماغ روشن و دل تيرہ و نگہ بے باک
تو بے بصر ہو تو يہ مانع نگاہ بھي ہے
وگرنہ آگ ہے مومن ، جہاں خس و خاشاک
زمانہ عقل کو سمجھا ہوا ہے مشعل راہ
کسے خبر کہ جنوں بھي ہے صاحب ادراک
جہاں تمام ہے ميراث مرد مومن کي
ميرے کلام پہ حجت ہے نکتہ لولاک