ستاروں سے آگے جہاں اور بھي ہيں

ستاروں سے آگے جہاں اور بھي ہيں
ابھي عشق کے امتحاں اور بھي ہيں
تہي ، زندگي سے نہيں يہ فضائيں
يہاں سينکڑوں کارواں اور بھي ہيں
قناعت نہ کر عالم رنگ و بو پر
چمن اور بھي آشياں اور بھي ہيں
اگر کھو گيا اک نشيمن تو کيا غم
مقامات آہ و فغاں اور بھي ہيں
تو شاہيں ہے ، پرواز ہے کام تيرا
ترے سامنے آسماں اور بھي ہيں
اسي روز و شب ميں الجھ کر نہ رہ جا
کہ تيرے زمان و مکاں اور بھي ہيں
گئے دن کہ تنہا تھا ميں انجمن ميں
يہاں اب مرے رازداں اور بھي ہيں