يہ پيران کليسا و حرم ، اے وائے مجبوري!

يہ پيران کليسا و حرم ، اے وائے مجبوري!
صلہ ان کي کدوي کاوش کا ہے سينوں کي بے نوري
يقيں پيدا کر اے ناداں! يقيں سے ہاتھ آتي ہے
وہ درويشي ، کہ جس کے سامنے جھکتي ہے فغفوري
کبھي حيرت ، کبھي مستي ، کبھي آہ سحرگاہي
بدلتا ہے ہزاروں رنگ ميرا درد مہجوري
حد ادراک سے باہر ہيں باتيں عشق و مستي کي
سمجھ ميں اس قدر آيا کہ دل کي موت ہے ، دوري
وہ اپنے حسن کي مستي سے ہيں مجبور پيدائي
مري آنکھوں کي بينائي ميں ہيں اسباب مستوري
کوئي تقدير کي منطق سمجھ سکتا نہيں ورنہ
نہ تھے ترکان عثماني سے کم ترکان تيموري
فقيران حرم کے ہاتھ اقبال آگيا کيونکر
ميسر ميرو سلطاں کو نہيں شاہين کافوري