عقل گو آستاں سے دور نہيں

عقل گو آستاں سے دور نہيں
اس کي تقدير ميں حضور نہيں
دل بينا بھي کر خدا سے طلب
آنکھ کا نور دل کا نور نہيں
علم ميں بھي سرور ہے ليکن
يہ وہ جنت ہے جس ميں حور نہيں
کيا غضب ہے کہ اس زمانے ميں
ايک بھي صاحب سرور نہيں
اک جنوں ہے کہ باشعور بھي ہے
اک جنوں ہے کہ باشعور نہيں
ناصبوري ہے زندگي دل کي
آہ وہ دل کہ ناصبور نہيں
بے حضوري ہے تيري موت کا راز
زندہ ہو تو تو بے حضور نہيں
ہر گہر نے صدف کو توڑ ديا
تو ہي آمادہ ظہور نہيں
ارني ميں بھي کہہ رہا ہوں ، مگر
يہ حديث کليم و طور نہيں