کمال ترک نہيں آب و گل سے مہجوري

 
کمال ترک نہيں آب و گل سے مہجوري
کمال ترک ہے تسخير خاکي و نوري
ميں ايسے فقر سے اے اہل حلقہ باز آيا
تمھارا فقر ہے بے دولتي و رنجوري
نہ فقر کے ليے موزوں ، نہ سلطنت کے ليے
وہ قوم جس نے گنوايا متاع تيموري
سنے نہ ساقي مہ وش تو اور بھي اچھا
عيار گرمي صحبت ہے حرف معذوري
حکيم و عارف و صوفي ، تمام مست ظہور
کسے خبر کہ تجلي ہے عين مستوري
وہ ملتفت ہوں تو کنج قفس بھي آزادي
نہ ہوں تو صحن چمن بھي مقام مجبوري
برا نہ مان ، ذرا آزما کے ديکھ اسے
فرنگ دل کي خرابي ، خرد کي معموري