خودي کي شوخي و تندي ميں کبر و ناز نہيں

 
خودي کي شوخي و تندي ميں کبر و ناز نہيں
جو ناز ہو بھي تو بے لذت نياز نہيں
نگاہ عشق دل زندہ کي تلاش ميں ہے
شکار مردہ سزاوار شاہباز نہيں
مري نوا ميں نہيں ہے ادائے محبوبي
کہ بانگ صور سرافيل دل نواز نہيں
سوال مے نہ کروں ساقي فرنگ سے ميں
کہ يہ طريقہ رندان پاک باز نہيں
ہوئي نہ عام جہاں ميں کبھي حکومت عشق
سبب يہ ہے کہ محبت زمانہ ساز نہيں
اک اضطراب مسلسل ، غياب ہو کہ حضور
ميں خود کہوں تو مري داستاں دراز نہيں
اگر ہو ذوق تو خلوت ميں پڑھ زبور عجم
فغان نيم شبي بے نوائے راز نہيں