دل بيدار فاروقي ، دل بيدار کراري

دل بيدار فاروقي ، دل بيدار کراري
مس آدم کے حق ميں کيميا ہے دل کي بيداري
دل بيدار پيدا کر کہ دل خوابيدہ ہے جب تک
نہ تيري ضرب ہے کاري ، نہ ميري ضرب ہے کاري
مشام تيز سے ملتا ہے صحرا ميں نشاں اس کا
ظن و تخميں سے ہاتھ آتا نہيں آہوئے تاتاري
اس انديشے سے ضبط آہ ميں کرتا رہوں کب تک
کہ مغ زادے نہ لے جائيں تري قسمت کي چنگاري
خداوندا يہ تيرے سادہ دل بندے کدھر جائيں
کہ درويشي بھي عياري ہے ، سلطاني بھي عياري
مجھے تہذيب حاضر نے عطا کي ہے وہ آزادي
کہ ظاہر ميں تو آزادي ہے ، باطن ميں گرفتاري
تو اے مولائے يثرب! آپ ميري چارہ سازي کر
مري دانش ہے افرنگي ، مرا ايماں ہے زناري