دل سوز سے خالي ہے ، نگہ پاک نہيں ہے

دل سوز سے خالي ہے ، نگہ پاک نہيں ہے
پھر اس ميں عجب کيا کہ تو بے باک نہيں ہے
ہے ذوق تجلي بھي اسي خاک ميں پنہاں
غافل! تو نرا صاحب ادراک نہيں ہے
وہ آنکھ کہ ہے سرم ہ افرنگ سے روشن
پرکار و سخن ساز ہے ، نم ناک نہيں ہے
کيا صوفي و ملا کو خبر ميرے جنوں کي
ان کا سر دامن بھي ابھي چاک نہيں ہے
کب تک رہے محکومي انجم ميں مري خاک
يا ميں نہيں ، يا گردش افلاک نہيں ہے
بجلي ہوں ، نظر کوہ و بياباں پہ ہے مري
ميرے ليے شاياں خس و خاشاک نہيں ہے
عالم ہے فقط مومن جاں باز کي ميراث
مومن نہيں جو صاحب لولاک نہيں ہے!