عشق سے پيدا نوائے زندگي ميں زير و بم

عشق سے پيدا نوائے زندگي ميں زير و بم
عشق سے مٹي کي تصويروں ميں سوز وم بہ دم
آدمي کے ريشے ريشے ميں سما جاتا ہے عشق
شاخ گل ميں جس طرح باد سحر گاہي کا نم
اپنے رازق کو نہ پہچانے تو محتاج ملوک
اور پہچانے تو ہيں تيرے گدا دارا و جم
دل کي آزادي شہنشاہي ، شکم سامان موت
فيصلہ تيرا ترے ہاتھوں ميں ہے ، دل يا شکم!
اے مسلماں! اپنے دل سے پوچھ ، ملا سے نہ پوچھ
ہوگيا اللہ کے بندوں سے کيوں خالي حرم