اک دانش نوراني ، اک دانش برہاني

اک دانش نوراني ، اک دانش برہاني
ہے دانش برہاني ، حيرت کي فراواني
اس پيکر خاکي ميں اک شے ہے ، سو وہ تيري
ميرے ليے مشکل ہے اس شے کي نگہباني
اب کيا جو فغاں ميري پہنچي ہے ستاروں تک
تو نے ہي سکھائي تھي مجھ کو يہ غزل خواني
ہو نقش اگر باطل ، تکرار سے کيا حاصل
کيا تجھ کو خوش آتي ہے آدم کي يہ ارزاني؟
مجھ کو تو سکھا دي ہے افرنگ نے زنديقي
اس دور کے ملا ہيں کيوں ننگ مسلماني!
تقدير شکن قوت باقي ہے ابھي اس ميں
ناداں جسے کہتے ہيں تقدير کا زنداني
تيرے بھي صنم خانے ، ميرے بھي صنم خانے
دونوں کے صنم خاکي ، دونوں کے صنم فاني