اپني جولاں گاہ زير آسماں سمجھا تھا ميں

اپني جولاں گاہ زير آسماں سمجھا تھا ميں
آب و گل کے کھيل کو اپنا جہاں سمجھا تھا ميں
بے حجابي سے تري ٹوٹا نگاہوں کا طلسم
اک ردائے نيلگوں کو آسماں سمجھا تھا ميں
کارواں تھک کر فضا کے پيچ و خم ميں رہ گيا
مہروماہ و مشتري کو ہم عناں سمجھا تھا ميں
عشق کي اک جست نے طے کر ديا قصہ تمام
اس زمين و آسماں کو بے کراں سمجھا تھا ميں
کہہ گئيں راز محبت پردہ دار يہاے شوق
تھي فغاں وہ بھي جسے ضبط فغاں سمجھا تھا ميں
تھي کسي درماندہ رہرو کي صداے درد ناک
جس کو آواز رحيل کارواں سمجھا تھا ميں