وہي ميري کم نصيبي ، وہي تيري بے نيازي

وہي ميري کم نصيبي ، وہي تيري بے نيازي
ميرے کام کچھ نہ آيا يہ کمال نے نوازي
ميں کہاں ہوں تو کہاں ہے ، يہ مکاں کہ لامکاں ہے؟
يہ جہاں مرا جہاں ہے کہ تري کرشمہ سازي
اسي کشمکش ميں گزريں مري زندگي کي راتيں
کبھي سوزو ساز رومي ، کبھي پيچ و تاب رازي
وہ فريب خوردہ شاہيں کہ پلا ہو کرگسوں ميں
اسے کيا خبر کہ کيا ہے رہ و رسم شاہبازي
نہ زباں کوئي غزل کي ، نہ زباں سے باخبر ميں
کوئي دلکشا صدا ہو ، عجمي ہو يا کہ تازي
نہيں فقر و سلطنت ميں کوئي امتياز ايسا
يہ سپہ کي تيغ بازي ، وہ نگہ کي تيغ بازي
کوئي کارواں سے ٹوٹا ، کوئي بدگماں حرم سے
کہ امير کارواں ميں نہيں خوئے دل نوازي