تجھے ياد کيا نہيں ہے مرے دل کا وہ زمانہ

تجھے ياد کيا نہيں ہے مرے دل کا وہ زمانہ
وہ ادب گہ محبت ، وہ نگہ کا تازيانہ
يہ بتان عصر حاضر کہ بنے ہيں مدرسے ميں
نہ ادائے کافرانہ ، نہ تراش آزرانہ
نہيں اس کھلي فضا ميں کوئي گوشہء فراغت
يہ جہاں عجب جہاں ہے ، نہ قفس نہ آشيانہ
رگ تاک منتظر ہے تري بارش کرم کي
کہ عجم کے مے کدوں ميں نہ رہي مے مغانہ
مرے ہم صفير اسے بھي اثر بہار سمجھے
انھيں کيا خبر کہ کيا ہے يہ نوائے عاشقانہ
مرے خاک و خوں سے تونے يہ جہاں کيا ہے پيدا
صلہ شہيد کيا ہے ، تب و تاب جاودانہ
تري بندہ پروري سے مرے دن گزر رہے ہيں
نہ گلہ ہے دوستوں کا ، نہ شکايت زمانہ