اگر کج رو ہيں انجم ، آسماں تيرا ہے يا ميرا

اگر کج رو ہيں انجم ، آسماں تيرا ہے يا ميرا
مجھے فکر جہاں کيوں ہو ، جہاں تيرا ہے يا ميرا؟
اگر ہنگامہ ہائے شوق سے ہے لامکاں خالي
خطا کس کي ہے يا رب! لامکاں تيرا ہے يا ميرا؟
اسے صبح ازل انکار کي جرات ہوئي کيونکر
مجھے معلوم کيا ، وہ راز داں تيرا ہے يا ميرا؟
محمد بھي ترا ، جبريل بھي ، قرآن بھي تيرا
مگر يہ حرف شيريں ترجماں تيرا ہے يا ميرا؟
اسي کوکب کي تاباني سے ہے تيرا جہاں روشن
زوال آدم خاکي زياں تيرا ہے يا ميرا؟

ترے شيشے ميں مے باقي نہيں ہے
بتا ، کيا تو مرا ساقي نہيں ہے
سمندر سے ملے پياسے کو شبنم
بخيلي ہے يہ رزاقي نہيں ہے