ميري نوائے شوق سے شور حريم ذات ميں

ميري نوائے شوق سے شور حريم ذات ميں
غلغلہ ہائے الاماں بت کدئہ صفات ميں
حور و فرشتہ ہيں اسير ميرے تخيلات ميں
ميري نگاہ سے خلل تيري تجليات ميں
گرچہ ہے ميري جستجو دير و حرم کي نقش بند
ميري فغاں سے رستخيز کعبہ و سومنات ميں
گاہ مري نگاہ تيز چير گئي دل وجود
گاہ الجھ کے رہ گئي ميرے توہمات ميں
تو نے يہ کيا غضب کيا، مجھ کو بھي فاش کر ديا
ميں ہي تو اک راز تھا سينہء کائنات ميں!