عالمی یوم خواتین کی مناسبت سے اقبال اکادمی پاکستان کا ایک وفد
پروفیسر ڈاکٹر بصیرہ عنبرین کی قیادت میں دختر اقبال محترمہ منیرہ صلاح الدین سے ملاقات

عالمی یوم خواتین کی مناسبت سے اقبال اکادمی پاکستان کا ایک وفد پروفیسر ڈاکٹر بصیرہ عنبرین کی قیادت میں دختر اقبال محترمہ منیرہ صلاح الدین سے ملاقات کے لیے ان کے دولت خانے پر پہنچا۔ محترمہ منیرہ بانو نے خوشدلی سے وفد کا استقبال کیا۔ وفد نے دختر اقبال کی خدمت میں ایک گلدستہ پیش کیا۔ اس موقعہ پر ان کی صحت اور پاکستان کی سلامتی کے ساتھ ساتھ خواتین کے بہتری کے لیے دعا کی گئی۔ اس ملاقات کا اچھوتا خیال پروفیسر ڈاکٹر بصیرہ عنبرین نے پیش کیا۔ اس پر اکادمی افسران بشمول محمد نعمان چشتی، ارشاد المجیب، ڈاکٹر خضر یسین، وقار احمد، قیصر محمود شاہ بھی موجود تھے۔